Somos conductor@s de primeira!!

    Hoxe tivemos unha visita especial no cole, xa que veu a Poli Ana a ensinarnos certas normas de seguridade vial e o significado de certas sinais de tráfico, para así respectar a todos os viandantes e ao resto de conductores, pero...se a todos isto lle engadimos que nos vestimos de policías e empregamos as nosas propias bicis e monopatíns...remata por ser unha experiencia fantástica unindo o deporte coa educación vial.

Imos de aventura a Cortegada

    A nosa gran excursión de fin de curso comezou con moita enerxía e un chisco de nerviosismo, pero...rematamos de cargar as pilas no cole e puxémonos en marcha cara Carril.

Alí coñecemos ao noso gran guía, Luis, quen espertou en todos nós un gran entusiasmo en todo o relacionado cos tipos de algas, moluscos e crustáceos que había nesta zona, mais...isto non quedou aquí!! Por fin chegaba a esperada viaxe en Zodiac para desembarcar en Cortegada e continuar a nosa gran aventura descubrindo os grandes segredos que esconde a natureza neste fermoso Parque Nacional das Illas Atlánticas.

Rematamos a nosa visita escoitando dous contos contados por Luis, cos cales volveu a resaltar os dous lugares máis característicos desta viaxe, o mar e a terra, posto que un deles trataba sobre os ananiños que habitaban no bosque ao carón dunhas ruinas e o outro sobre temibles piratas que surcaban as augas que tiñamos de fondo na praia.

Sen lugar a dúbidas foi unha gran aventura da man dun gran guía, a cal volveríamos a vivir para así seguir descubrindo todos os segredos que esconde a flora e a fauna da nosa zona.

A "arte" do museo á nosa clase!!

    Na visita ao Museo de Pontevedra observamos moitos cadros, descubrimos a maxia, os segredos e as emocións que hai neles e unha vez na clase...deixamos voar a nosa imaxinación e convertémonos unha vez máis en "grandes artistas" creando as nosas propias representacións dos cadros nas cales non faltaron as nosas emocións en cada un deles.

Visitamos o Quinteiro de Temperá

    Visitamos o Quinteiro de Temperá e desfrutamos moito dando de comer ás galiñas, tocando os diversos tipos de fariña, subindo ao carro...en definitiva, fixemos unha viaxe polo pasado para descubrir cómo se vivía e se traballa noutros tempos.

Ás armas cavernícolas!!

    Continuamos investigando para o noso proxecto da Prehistoria, esta vez tocaron as armas para poder cazar, polo que buscamos información sobre a alimentación, os tipos de armas e como se facían e decidimos facer as nosas propias para así convertirnos cada vez máis nuns pequenos cavernícolas.

O noso "arte" e o de Rosalía

   Estes días estivemos a celebrar o Día de Rosalía de Castro, para isto, aprendimos un fragmento dun dos seus poemas máis coñecidos Adiós ríos, adiós fontes... e versionamos estes fermosos versos interpretándoos mediante os noso "arte".

O lume na Prehistoria

    Que nos toca investigar hoxe?
Non hai cavernícola que se precie que non sepa usar o lume de moitas maneiras, polo que comezamos aprendendo como facían lume, logo elaboramos a nosas fogueiras e terminamos dramatizando todos os usos que lles daban os cavernícolas a este ben tan prezado, o lume!

Mans á "masa"

    Estes días estivemos a investigar sobre as vestimentas dos cavernícolas para así afondar un pouco máis no proxecto da Prehistoria.
 Parte das súas vestimentas son os adornos con dentes e osos de animais, polo que nós fixemos a nosa versión elaborándoos con masa de sal e cocéndoos nas nosas casas, para así poder incluilos nos nosos disfraces de cavernícolas. 
Tan só nos falta dar as grazas aos papás e mamás por axudarnos a darlle ese último toque de cocción. Xa estamos listos para ser uns pequenos cavernícolas!!

A nena e o grilo

    Hoxe viaxamos a Pontevedra para ver a actuación de Magín Blanco A nena e o grilo. Deixámonos levar pola súa máxia e disfrutamos e mergullámonos en todas as súas cancións.